Plantun de Prouvènço

Pèr coumpara dos planto d'encò nostre

Gagea pratensis & Rhododendron ferrugineum

Gagea pratensis

Liliaceae Liliaceae

Nom en français : Gagée des prés.

Descripcioun :
Aquesto estello-jauno trachis dins li blachiero, tepiero e ermas de relarg un pau fres. La planto èi di proun chanjadisso, mai se recounèis majamen à sa fueio basalo primo (de 3 à 7 mm) e loungarudo, si fueio de cambo quàsi óupousado e subretout si pecou de flour queira e sa coulour verdalo.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 8 à 30 cm
Fueio : Costo paralèlo
Tipe bioulougico : Geoufite
Cicle bioulougico : Planto renadivo

Gènre : Gagea
Famiho : Liliaceae
Famiho classico : Liliaceae

Ordre : Liliales

Coulour de la flour : Jauno
Petalo : 6
Ø (o loungour) flour : 2,4 à 4 cm
Flourido : Printèms

Sòu : Ca
Autour basso e auto : 100 à 1700 m
Aparado : Noun
Mars à mai

Liò : Blachiero - Tepiero seco - Ermas
Estànci : Mesoumediterran à Mountagnard
Couroulougi : Eurimediterrano-Nord
Ref. sc. : Gagea pratensis (Pers.) Dumort., 1829

Rousage

Rhododendron ferrugineum

Ericaceae

Àutri noum : Bourgenc, Rousàgi, Labruìssa, Bouis-fèr.

Noms en français : Rhododendron ferrugineux, Laurier-rose des Alpes.

Descripcioun :
Lou rousage, apela peréu bourgenc pèr li gavot, es un aubret que vèn bèn sus li terraire safrous de mountagno i raro di darriés aubre. I'a pas pèr s'engana.

Usanço :
Es uno planto empouisounanto pèr l'ome coume li bèsti (fedo, cabro, abiho..). Li fueio secado fan susa, pissa, luchon contro lou mau d'os e proun enca. Li flour soun emplegado en Souisso pèr alesti la "tisano dóu maien", emé de flour d'erbo-de-la-pato, de pensèio-dis-Aup e peréu de brout de serento.